Л-Д ДОО Струмица е компанија со комплетно имплементиран технолошки и производствен процес за производство на женски хулахопки и чорапи, согласно пропорциите на македонските, или подобро кажано, балканските жени. Целокупниот процес на производство се состои од: плетење на производите на специјални, кружноплетечки машини, потоа шиење, хемиско боење и пеглање, па пакување во комерцијални пакувања и пласирање до малопродажните објекти.
Сите производи поминуваат низ три квалитативни фази: две фази пред хемиското боење и една по хемиското боење и пред пакувањето.
Производството се врши во производствен погон, внатрешно уреден на начин со кој се обезбедува енергетско штедење, и преку систем којшто топлиот воздух од машините го рециркулира низ целиот простор за да се избегне дополнително трошење енергија за затоплување на просториите, и да се анулира потрошувачката на енергија за сушење на хулахопките.
За производство на нашите производи го користиме најлонското предиво во различни нумерации (дебелини), коешто претставува синтетичко влакно создадено во индустриски производствен процес со комбинирање, под одредени услови, на два или повеќе полимери, и тоа:
Полиамид 66
Полиамид 66 е вид полиамид или најлон, a честопати низ литературата можете да го сретнете и како Најлон 66. Полиамид 66 е направен од два мономера, коишто содржат 6 атоми на јаглерод, хексаметилендиамин и адипинска киселина, што му го дава името Полиамид 66. Полиамидот 66 произлегува од истражувањето на полимерите, многу големи молекули со повторливи хемиски структури, коешто д-р Валас Каротерс и неговите колеги го спровеле во раните 1930-ти, во Експерименталната станица на „DuPont“. Во 1935 година, „DuPont“ го патентирал новото влакно познато како најлон. Најлонот, чудотворното влакно, беше претставено пред светот во 1938 година.
Полиамид 6
Полиамид 6 е поликапролактам полимер, развиен од Пол Шлак во „IG Farben“ за да ги репродуцира својствата на Најлон 66, без да го наруши патентот за неговото производство. Тој е полукристален полиамид. За разлика од повеќето други полиамиди, Полиамид 6 не е полимер за кондензација, туку наместо тоа се формира со полимеризација, со отворање на прстенот; ова го прави посебен случај во споредбата помеѓу кондензационите и адитивните полимери. Неговата конкуренција со Полиамид 66 и примерот што го постави, исто така, ја обликуваа економијата на индустријата за синтетички влакна.
Еластан
Спандекс, ликра или еластан е синтетичко влакно познато по својата исклучителна еластичност. Тоа е кополимер полиетер-полиуреа кој бил измислен во 1958 година од хемичарот Џозеф Шиверс, во „DuPont’s Benger“ лабораторијата, во Вејнзборо, Вирџинија, САД.
Генеричкото име „спандекс“, што е анаграм на зборот „проширува“, е преферираното име во Северна Америка. Во континентална Европа, се означува со варијанти на ‘еластан’, вклучувајќи ги élasthanne (Франција), elastan (Германија, Шведска), elastano (Шпанија), elastam (Италија) и elastaan (Холандија); и во ОК, Ирска, Португалија, Шпанија, Латинска Америка, Австралија, Нов Зеланд и Израел, првенствено е познат како „Ликра“.
Иако овие материјали се издржливи, тие се кревки, и при допир со тврди и остри предмети лесно можат да се оштетат. Прочитајте повеќе за грижа и одржување на хулахопки и чорапи на страницата посветена токму на тоа , како и за реупотреба на хулахопки на страницата посветена на Идеи и совети за реупотреба на „старите“ La Dama хулахопки .